ຂ້າພະເຈົ້າ ສຸກສະໝອນ ສີຫາເທບ ໃນນາມຂອງແ ແລະ ປະທານ ຄະນະຜູ້ບໍລິຫານ ຂອງກຸ່ມ ບໍລິສັດ ມະນີຍົມກຣຸບ ມີຄວາມປື້ມປິຕິຍິນດີເປັນຢ່າງຍິ່ງທີ່ບັນດາທ່ານແຂກຜູ້ມີກຽດທຸກທ່ານໄດ້ສະລະເວລາອັນມີຄ່າ ມາຮ່ວມພິທີເປີດອາຄານໂຮງຮຽນຫຼັງໃໝ່ ບ້ານທ່າຟ້າວ, ເມືອງໂຂງ, ແຂວງຈຳປາສັກ ໃນວັນທີ່ 17/9/2016.

ໂຄງການນີ້ ກໍ່ເປັນອີກໂຄງການໜຶ່ງທີ່ ບໍລິສັດເຊບໂຣເລດລາວ, ມະນີຍົມຮຸນໃດກົນຈັກໜັກ ກໍ່ຄື ກຸ່ມ ບໍລິສັດມະນີຍົມກຣຸບ ເຫັນໄດ້ເຖິງຄວາມສຳຄັນຂອງ ການສຶກສາ ກໍ່ຄືເຍົາວະຊົນຊາວໜຸ່ມລາວ ທີ່ຈະເປັນກຳລັງແຮງອັນສຳຄັນໃນການພັດທະນາປະເທດຊາດໃນອານາຄົດ. ອິ່ງຕາມທີ່ນາຍບ້ານທ່າຟ້າວໄດ້ສະເໜີໃຫ້ເຫັນເຖິງຄວາມຈຳເປັນແລະຂາດເຂີນ ແລະ ການລົງສຳຫລອດເກັບກຳຂໍ້ມູນຕົວຈິງ ເຫັນວ່າໂຮງຮຽນບ້ານທ່າຟ້າວໃນອະດິດ ແມ່ນມີຄວາມສຸດໂຊມຫລາຍ ຫຼັງຄ່າຮົ້ວ, ຝາໂຮງຮຽນເຮັດດ້ວຍໄມ້ໄຜ່ແຕກຫັກຜຸພັງ, ໂຕະຕັ່ງບໍ່ພຽງພໍ ແລະ ເປເພຫລາຍ. ສ້າງຄວາມຫຍຸ້ງຫຍາກໃຫ້ກັບນັກຮຽນຫຼາຍທັງໃນລະດູຝົນທີ່ເປື້ອນເປີ ລະດູໜາວກໍ່ໜາວຫລາຍເນື້ອງຈາກແອມທີ່ບໍ່ແໜ້ນໜາ ດັ່ງນັ້ນ ໃນປີ 2015 ທາງບໍລິສັດມະນີຍົມກກຣຸບ ໄດ້ມອບທຶນຈຳນວນ 200ລ້ານກີບ ໃນນາມບໍລິສັດ ເຊບໂຣເລດລາວຈຳກັດ ແລະ ບໍລິສັດ ມະນີຍົມ ຮຸນໃດ ກົນຈັກໜັກ ສ້າງອາຄານໂຮງຮຽນທີ່ໄດ້ມາດຕະຖານປະກອບດ້ວຍ 3 ຫ້ອງຮຽນ ປໍ1 ເຖິງ ປໍ3 2ຫ້ອງນ້ຳດ້ານນອກ, ເສົາທຸງ, ປ້າຍໂຮງຮຽນ ແລະ ຮົ້ວອ້ອມໂຮງຮຽນ ໄດ້ສຳເລີດສົມບູນໃນຕົ້ນເດືອນກັນຍາ 2016ນີ້

ຂ້າພະເຈົ້າເອງພ້ອມດ້ວຍພະນັກງານໜົດທຸກຄົນ ຂໍສະແດງຄວາມ ຂອບອົກຂອບໃຈເປັນຢ່າງສູງ ມາຍັງບັນດາທຸກພາກສ່ວນທີ່ກ່ຽວຂ້ອງ ທີ່ໄດ້ອຳນວຍຄວາມສະດວກ ແລະ ປະສານງານເພື່ອໃຫ້ໂຮງຮຽນຫຼັງດັ່ງກ່າວນີ້ສຳເລັດໄດ້ຢ່າງສົມບູນ potenz-tabletten ພວກຂ້າພະເຈົ້າຫວັງຢ່າງຍິງວ່າ ໂຮງຮຽນຫຼັງດັ່ງກ່າວນີ້ຈະສາມາດຊ່ວຍພັດທະນາການສຶກສາໃຫ້ແກ່ເດັກນ້ອຍເຍົາວະຊົນ, ນັກສຶກສາໃນຂົງເຂດ ແລະ ອ້ອມຂ້າງບ້ານທ່າພ້າວນີ້ໄດ້ເປັນຢ່າງດີ ແລະ ຂໍໃຫ້ຄຳໜັ້ນສັນຍາວ່າ ບໍລິສັດ ມະນີຍົມກຣຸບ ຈະສືບຕໍ່ຊ່ວຍເຫຼືອພັດທະນາສັງຄົມກໍ່ຄືປະເທດຊາດຢູ່ເລື່ອຍໆ ແລະ ຕະຫຼອດໄປ.